【事故】on.cc專訊 無綫熱播劇《巨輪II》成為城中熱話，其中@阮兆祥 飾演的龍飛因意外失憶，忘記劇中老婆田蕊妮，令唔少觀眾睇到喊濕幾包紙巾。 估唔到阮兆祥現實入面都「黑仔王」上身，今日傍晚佢接載女友去荃灣，期間同前方嘅貨車相撞，其跑車隨即着火。阮兆祥之後留喺現場協助調查，並接受訪問指自己冇受傷，仲話好彩係虛驚一場！佢表示：「（個人）冇事，多謝關心！（點解你架車會起火？）你問我，我問邊個？」佢續指當時情況危急，身上所有財物都留喺車入面，佢無奈地話：「依家乜都冇晒！」阮兆祥女友於車禍後心情仍未平復，佢回應指今晚因為要慶祝嫲嫲大壽，所以先同男友去荃灣食飯。