《Цагаан сарын ерөөл》
[c·баaTaр/2017/2/27]
Ум сайн амгалан болтугай
Энх сайн жаргалан болтугай
Сар шинийн баярт
Сайн мэндийн бэлэгт
Хадаг самбайгаа алдлуулан
Хаш хөөргөө солилцон
Азай буурал настантайгаа золгон
Айл саахалт олонтойгоо шинэлцгээн
Айлчин гийчнээ зочилж
Аялгуу дуугаа өргөж
Баяр хөөртэй найрлаж байгаа энэ үед
Эрхэм олон та бvхний
Буян хишиг чинь
Будаан ширхэг шиг аривжиж
Үр угсаа чинь дэлгэрч яв
Үйлс бvхэн чинь бvтэж яв
Эрх жаргалыг эдэлж яв
Энэ насандаа эрдэмтэй яв
Таван хошуутаа өсгөж яв
Тансаг амьдралааөөдлүүлж яв
Аав ээжээ өргөж яв
Ахас захасаа хүндэлж яв
Анд нөхөддөө тусалж яв
Айл саахалттайгаа найртай яв
Аж амьдралдаа баян яв
Амар сайхан жаргаж яв
Агаарын мандмал наран шиг
Арван тавны саран шиг
Арчаад тавьсан толь шиг
Атар газрын цэцэг шиг
Униарт ойн буга шиг
Уулын догшин барс шиг
Уяхан дуутай болжмор шиг
Цээлийн нуурын загас шиг
Цэцгийн ганган дэлбээ шиг
Үүрийн гэрэлт цолмон шиг
Өөдөө бадамлах гал шиг
Өдөр болгон өөдлөн мандаж
Өнгөжин залуужин явахын
Өлзийтэй сайхан ерөөлийг
Өөд өөд нь дэвшүүлэн
Урт насалж
Удаан жаргахыг
Ахан дүүс та бvхэндээ
Айлтган мэдүүлье.
Дэлхийгээр тархан суугаа элэг нэгт Монгол түмэн минь элгээрээ энх амгалан, төрлөөрөө төвшин сайхан, юу санасан есөн цагаан хүсэл нь сэтгэлчилэн бүтэж байхын өлзийтэй ерөөлийг өөд өөд нь өргөн дэвшүүлье.
Угтан золгож буй "Алтан унжлагат" хэмээх Тахиа жилд төр маань түвшин, Түмэн олон маань амар амгалан байж, Монгол эх орны минь хөгжил дэвшил маань өөдлөн дэвжиж, амжилт бүтээл арвин байх болтугай гэж ерөөе!
