撰文︰Take it e時
其實TVB入面，仲有好多好戲之人，可能佢哋已經上咗年紀，加上部份觀眾都鍾意睇小生花旦，所以未必適合做主角，但唔代表佢哋冇能力搭大旗，就算做配角都可以好搶戲！好似KK張國強，絕對係無綫其中一位資歷深又好戲嘅綠葉，無論做古裝定時裝、好人定奸角、搞笑定認真，佢都能夠勝任，但名氣似乎就一般，亦同獎項無緣。不過對KK似乎冇乜影響，平日仲好鍾意喺微博Post自己拍劇嘅造型照，仲會講下自己拍劇感受，感激一班合作嘅演員，絕對係一位超鍾意演戲嘅藝人！
▲張國強經常喺微博上載自己嘅造型照。
▲兒童節目《430穿梭機》係好多70、80後嘅童年回憶。
當年張國強係足球員出身，仲代表過港隊㖭。後嚟因貪玩試鏡，結果同無綫一拍即合，退役後全心全意投入演藝事業，做過《430穿梭機》第一代主持，亦參與過早期嘅《歡樂今宵》，絕對係TVB嘅老臣子之一。
▲張國強同李若彤，當年都郎才女貌。
出道40幾年，張國強飾演嘅角色數不勝數，但深刻角色絕不欠奉，最經典一定係1997年無綫劇《天龍八部》入面嘅慕容復，完全將小說中嘅形象刻劃出嚟，唔單只憑呢套作品一炮而紅，更加獲網民稱讚「張國強之後再無慕容復」，有冇過譽？真係唔知，但連大陸嘅媒體都有關注張國強當年嘅演出，你就知佢受歡迎程度有幾大。
▲圖左至右：恭親王、萬劍鋒、莫一烈、程煜標
雖年屆60，但張國強產量依然多，較為突出嘅角色有《宮心計》入面同關菊英有感情線嘅萬劍鋒、《潛行狙擊》嘅霸氣坐館莫一烈、《大太監》入面同米雪有對手戲嘅恭親王、《城寨英雄》入面嘅柯萬長等等，但不得不提，一定係《情越海岸線》嘅程煜標，面對朱璇情慾挑逗都不為所動，仲道出愛嘅真理，劇集播出街之後，反應絕佳，仲大讚KK身材依然冇走樣㖭！
▲張國強當年都做過主角。
張國強都唔係冇做過主角，喺早年港產電影《點指賊賊》、《波牛》擔正，但就未有大紅大紫，如今喺大銀幕定公仔箱都有穩定演出機會，對於鍾意演藝嘅張國強，或者已經好滿足！
圖片來源：張國強微博
其實TVB入面，仲有好多好戲之人，可能佢哋已經上咗年紀，加上部份觀眾都鍾意睇小生花旦，所以未必適合做主角，但唔代表佢哋冇能力搭大旗，就算做配角都可以好搶戲！好似KK張國強，絕對係無綫其中一位資歷深又好戲嘅綠葉，無論做古裝定時裝、好人定奸角、搞笑定認真，佢都能夠勝任，但名氣似乎就一般，亦同獎項無緣。不過對KK似乎冇乜影響，平日仲好鍾意喺微博Post自己拍劇嘅造型照，仲會講下自己拍劇感受，感激一班合作嘅演員，絕對係一位超鍾意演戲嘅藝人！
▲張國強經常喺微博上載自己嘅造型照。
▲兒童節目《430穿梭機》係好多70、80後嘅童年回憶。
當年張國強係足球員出身，仲代表過港隊㖭。後嚟因貪玩試鏡，結果同無綫一拍即合，退役後全心全意投入演藝事業，做過《430穿梭機》第一代主持，亦參與過早期嘅《歡樂今宵》，絕對係TVB嘅老臣子之一。
▲張國強同李若彤，當年都郎才女貌。
出道40幾年，張國強飾演嘅角色數不勝數，但深刻角色絕不欠奉，最經典一定係1997年無綫劇《天龍八部》入面嘅慕容復，完全將小說中嘅形象刻劃出嚟，唔單只憑呢套作品一炮而紅，更加獲網民稱讚「張國強之後再無慕容復」，有冇過譽？真係唔知，但連大陸嘅媒體都有關注張國強當年嘅演出，你就知佢受歡迎程度有幾大。
▲圖左至右：恭親王、萬劍鋒、莫一烈、程煜標
雖年屆60，但張國強產量依然多，較為突出嘅角色有《宮心計》入面同關菊英有感情線嘅萬劍鋒、《潛行狙擊》嘅霸氣坐館莫一烈、《大太監》入面同米雪有對手戲嘅恭親王、《城寨英雄》入面嘅柯萬長等等，但不得不提，一定係《情越海岸線》嘅程煜標，面對朱璇情慾挑逗都不為所動，仲道出愛嘅真理，劇集播出街之後，反應絕佳，仲大讚KK身材依然冇走樣㖭！
▲張國強當年都做過主角。
張國強都唔係冇做過主角，喺早年港產電影《點指賊賊》、《波牛》擔正，但就未有大紅大紫，如今喺大銀幕定公仔箱都有穩定演出機會，對於鍾意演藝嘅張國強，或者已經好滿足！
圖片來源：張國強微博
