【新聞】2018.03.19
【同洪永城10年】翠如尷尬同蕭正楠解釋
無綫藝員蕭正楠、黃翠如、洪永城、田蕊妮、肥媽、陸浩明、何廣沛等,在會展「香港國際影視展」出席「TVB 2018戲劇綜藝強勢登場暨業務發布會」為綜藝節目宣傳。
相隔四年再合體
黃翠如與洪永城相隔四年後再合體到澳洲、日本及挪威拍攝旅遊節目《走過浮華大地Camping篇》,黃翠如在台上介紹節目時對洪永城說:「以為呢世都唔會再同你拍攝節目,我哋都10年。」
黃翠如突然發覺自己講錯說話,隨即向同在台上的男友蕭正楠連忙解釋說:「我嘅意思係,我哋係好朋友識咗十年。」洪永城亦攬一攬蕭正楠示意。
瞓同一個帳幕?
黃翠如與洪永城接受就訪問,翠如說:「以為呢世都唔會再合作,我哋合作得好似太多,今次合作幾有紀念價值,我哋做咗朋友十年。(要同男友解釋?)因為我發覺我自己講得有啲混淆,講到好似同佢同一個帳幕咁。(驚唔驚男友呷醋?)同洪永城佢實在太放心,第二個就可能擔心。」洪永城指經過四年後大家也成長不少,相信觀眾也期待他們再合作演出。