曹永廉、蕭正楠拍住上出埠登台搵真銀。
藝人蕭正楠、曹永廉拍住上經常齊齊登台搵真銀，繼剛剛於新加坡登台後，二人又轉戰美國，之後又會飛去馬來西亞拍節目，工作不斷，錢亦繼續賺。
於美國登台期間，二人獻唱了多首金曲，今次足足唱咗兩粒鐘，阿廉坦言原本自己都有啲緊張，但出到台唱第一首歌時，現場觀眾反應相當之好，令佢哋愈唱愈投入、愈唱愈興奮，向來識搞氣氛嘅阿廉更跟現場觀眾互動：「我覺得好似喺香港紅館開緊演唱會咁，如果我哋開就免費送飛畀你哋，但你哋自己買機票！」即時搞到現場觀眾好鬼開心！
曹永廉、蕭正楠完成美國登台後會到馬國開騷。
曹永廉、蕭正楠大讚美國觀眾好熱情。
兩兄弟愈唱愈投入。
曹永廉、蕭正楠向美國觀眾預告，如果紅館開騷一定送飛畀佢哋。
曹永廉、蕭正楠強調如果真係收到佢哋紅館騷嘅票時，請自費買機票。
