Toby做第三者喊寃 对於再次喺剧集孭飞嘅夏雨，噚日接受电话访问时话唔会特别有压力，佢话相信公司系配合唔同剧组先搵唔同年纪嘅演员，佢都唔会特别要求跟同辈或后辈做对手，佢话：「后生有后生嘅方法，自己冇乜所谓，同辈就有默契啲，但同后生都会擦出火花。」扮演夏雨囡囡嘅 Toby会同陈键锋及敖嘉年有对手戏，对於被指介入黄宗泽同胡杏儿嘅感情， Toby呼寃话：「唔系事实唔回应，大家传我同敖嘉年啦，成日都话我系第三者。」伍姑娘剧中会同夏雨发展暧昧关系，仲被称为「窝轮天后」，简称「轮后」，佢笑住话个名都几难听。