講起上嚟我真係傷過好多次,幾乎每拍一次戲就受傷一次,噚日講到我拍《殭屍III》嘅時候,第一日開始就知大鑊,因為今次嘅武術指導換咗人,佢希望我可以盡量唔用替身,咁當要吊威也嘅時候,我亦都係親身上陣,點知一吊,我就感覺到大鑊喇,喺我背脊度發出輕微嘅「咇咧吧嘞」聲,但係我繼續捱埋場對打戲,一直到我落番地之後,我同啲工作人員講,我條腰骨好似唔係好掂咁。點知啲工作人員同我講話冇事嘅,條腰骨痛可能係條氣唔順啫。咁我話,唔係喎,痛到咁,會唔會係斷咗呀?啲工作人員又話,唔會嘅,斷咗骨一定會暈架嘛。但係我當時條腰骨真係好痛,咁我以為係裂咗啦。點知嗰個工作人員又話,如果淨係裂咗,唔緊要架,好多人條骨都裂咗架啦……就係因為我信晒佢哋所講,依家搞到我條腰好唔掂!
老公心痛矛盾
依家我已經唔可以大力起飛腳,喺我拍《殭屍III》嘅武打場面嘅時候,我仲要谷住度氣一氣呵成咁先可以捱到,如果唔係我就已經痛到唔郁得,無論我心入面幾想拍好呢套劇,但係我身體話畀我知,我未必捱得落去。當時我仲喺大陸拍緊,因為實在太痛嘅關係,我咪打電話畀我老公囉。佢同我講,站在公司嘅立場,冇辦法,佢好希望我可以支持到,因為我一開咗個頭,唔可能唔拍落去,但係,站在佢係我老公嘅位置,佢梗係想我即時飛返香港,唔想見到我咁辛苦捱落去。其實我自己都知,喺當時嘅情況,我冇其他選擇,我唯有自己呃自己,冇事嘅,少少痛啫,再加上當時啲同事都好照顧我,就係咁,我終於捱到拍晒大陸嘅戲,一方面我好開心終於捱過咗,但另一方面,我嘅腰傷就愈來愈嚴重,我到今時今日連着高踭鞋都痛呀!
作者:萬綺雯
![](https://imgsa.baidu.com/forum/w%3D580/sign=cb165fb779094b36db921be593cd7c00/7fc87bcb0a46f21f44b2ff3bf9246b600d33aed3.jpg)
老公心痛矛盾
依家我已經唔可以大力起飛腳,喺我拍《殭屍III》嘅武打場面嘅時候,我仲要谷住度氣一氣呵成咁先可以捱到,如果唔係我就已經痛到唔郁得,無論我心入面幾想拍好呢套劇,但係我身體話畀我知,我未必捱得落去。當時我仲喺大陸拍緊,因為實在太痛嘅關係,我咪打電話畀我老公囉。佢同我講,站在公司嘅立場,冇辦法,佢好希望我可以支持到,因為我一開咗個頭,唔可能唔拍落去,但係,站在佢係我老公嘅位置,佢梗係想我即時飛返香港,唔想見到我咁辛苦捱落去。其實我自己都知,喺當時嘅情況,我冇其他選擇,我唯有自己呃自己,冇事嘅,少少痛啫,再加上當時啲同事都好照顧我,就係咁,我終於捱到拍晒大陸嘅戲,一方面我好開心終於捱過咗,但另一方面,我嘅腰傷就愈來愈嚴重,我到今時今日連着高踭鞋都痛呀!
作者:萬綺雯
![](https://imgsa.baidu.com/forum/w%3D580/sign=cb165fb779094b36db921be593cd7c00/7fc87bcb0a46f21f44b2ff3bf9246b600d33aed3.jpg)