本來感覺家己學了真濟詞，但是原來去廈門以後則發現原來一半以上攏聽無，閣拄著一个真嚴重兮問題，就是佇廈門本島揣無通講兮機會，會當聽著兮所在毋是佇公交頂阿公阿嬤咧講，就是菜市場，飯店。因為口語無啥好，一開喙就予儂發現毋是閩南儂，所以會曉講兮大部份就直接對我用普通話應。閣有儂推薦我去城中村稅一間房，按呢就有機會矣，但是揣了則發現原來佇遐兮儂大部份嘛毋是本地儂，袂曉講，尤其是佇思明區城中村攏咧欲無去矣，佇海滄區兮村內感覺交通無啥方便。請各位共我鬥相共一下，佇廈門按怎去揣一个講閩南話兮機會咧？這陣講了無好，感覺環境閣較重要，若是有閩南語環境穩當學了閣較快，但是這馬兮問題就是按呢，無啥會曉社交，想欲揣儂講話嘛真困難。感謝逐家！