虎年娛圈預測|馬國明湯洛雯紅鸞星動 唐詩詠姚子羚齊行桃花運
撰文:東方新地
去年牛年娛樂圈喜事一籮籮,特別多人結婚生仔,今年虎年又如何呢?本刊請來著名玄學家吳佩孚,為虎年娛圈預測,其實未婚的星級情侶已經所剩無幾,單身花旦反而仲有好幾個。
馬國明 湯洛雯有結婚卦象
19年黃心穎「安心偷食」,馬國明焉知非福,未幾與湯洛雯一拍即合,20年6月公開戀情,拍拖至今依然甜如蜜,還屢傳婚訊,對於47歲的馬國明與34歲的湯洛雯能否修成正果,吳佩孚:「馬國明同湯洛雯今年結婚機會好大,睇佢哋兩個嘅姓名,都有結婚嘅卦象,本身嚟講佢哋都係三合,會紅鸞星動。」