剧情来讲有啲闷，但系胜在係呢四个后生仔演，真系劲搞笑，咁多年嘅默契唔係讲笑，就好似发生係佢哋身上真实事件咁。
何贼最后个句：我以前都有班咁嘅friend，不过係小学个阵。喺度笑佢哋四个小学鸡幼稚，但係亦都系讲紧佢哋之间感情单纯深厚，从校园到社会，真系好难得。
我宁愿睇后生人呢条无厘头线都好过睇其他。
—————————————————
岛大男子组经历过好多变化，大家最中意边个时期
1.0 安凌强壮
2.0 岛大三傻：安凌壮。
傻强去西伯利亚，剩下安凌壮，个人觉得三人火花比四人时期更好睇。亦都有可能系呢个时间岛大剧情变多了。
3.0 岛大五虎：安凌壯孝国。（个名我乱改嘅，唔好闹我）
George 同池子孝入学，扩大咗男子组，关系来讲係 安凌壮➕孝国，最经典应该系四人为咗救朱凌去洗车个集！
4.0 男子宿舍：风凌壮。
岛大线完结，安仔离家，壮去接龙，朱凌去片场，George 补习社，已经无咩合体剧情。以合租为引重组「风凌壮」，呢个时候阿壮开咗「吉宜屋」小分队线，但系有种“菊花”依旧，人面全非嘅感觉。见过安凌壮嘅感情，睇风凌壮同吉宜屋都系觉得怪怪哋。就连啊孝都好少合体。
5.0 惨淡期
George 离组，安仔短暂翻来又走，朱凌出去拍剧，原岛大男子剩下孝同壮，同框更加。
6.0 岛大四子：安凌孝壮
复兴期，安仔同朱凌回组，直接带动咗年轻人嘅戏份，尤其系 安凌孝壮 四人组，经常合体出现，反而风少点都融入唔到，毕竟有岛大光环！！！无论系跟住安仔去旅行，定係0can线携带嘅岛大同学剧情，仲有今晚嘅四个人一只鞋，都好好睇，好感动！
以上唔包括书虫头皮面油。大家最中意边个时期？我最中意都系三傻个阵！