馬國明否認「鐵馬」成員不和 佘詩曼拍戲受傷至今尚未康復
香港文匯報訊(記者 子棠)翡翠台上周(27日至03日)收視出爐,3線戲劇收視齊升。佘詩曼(阿佘)、馬國明(馬明)主演的台慶劇《新聞女王》,跨平台直播收視最高25.1點(162萬觀眾),連續兩周位列收視榜首。
阿佘、馬明、高海寧、何依婷、鄧智堅、吳業坤、何廣沛、高鈞賢和鄭衍峰昨日出席台慶劇《新聞女王》宣傳活動。阿佘憶述劇中有一幕捕捉賊王槍戰場口的戲,拍攝時要半蹲半跪地托着重型攝錄機,由於不斷重複動作、拍到冇晒力氣之餘更因太過投入忘我,撞傷手腳也不察覺,但突然聽到「啪」一聲並感到膝頭很痛,醫生認為是扭傷了韌帶,不過也只能看了兩次醫生,仍未有時間跟進治療。說到劇集收視高企,會否向觀眾派福利?阿佘即腦筋急轉彎想先收福利:「監製開拍續集就係最佳福利。(會再度接拍?)劇本咁正,一定人人搶住拍。(可知獲睇高一線奪視后?)多謝大家支持,獎項隨緣。」提到有傳鄭嘉穎因不滿馬明與前度緋聞女友阿佘合作,與馬明反目兼缺席對方婚禮;阿佘聞言哈哈大笑:「好好笑,點解會扯到咁遠,我唔相信係事實。」說罷亦不忘恭賀馬明。
馬國明透露計劃生B
馬明大婚在即,卻因好兄弟鄭嘉穎宣布不出席其婚禮及一句參與「鐵馬家族」聚會是「嘥時間」言論,爆發不和傳聞。馬明即代解釋:「好合理,我響外地辦婚禮,佢有3個小朋友,走幾日好困難,所以我冇嘢喎,仲完全體諒。今次只邀請了60人,都唔係人人來得到。(有沒有失望?)大家咁熟,係熟朋友先唔會失望;其實佢一早已通知咗我唔參加,換轉我都係屋企人行先,好合情合理;正如嘉穎和林子善自當爸後少了出席『鐵馬』聚會,大家都會明白,我都有生小朋友計劃,可能稍後我都會減少出飯局。(人唔到禮到?)錢銀嘅嘢唔好講,做咁多年兄弟係講心。(嘉穎有沒有傳授生仔經?)早兩年前我哋已經講湊仔經,但生仔就唔使教,我同我老婆都係順其自然,有就有,冇就冇。」
何依婷要做忍喊新娘
馬明續指,因婚期將至,有很多瑣碎事情要處理,已申請了8至10天的婚假,因此只能盡量抽時間出席劇集宣傳活動,但一定會出席劇集大結局;雖然不願公開婚期,但他直認屆時應已轉換了人夫的身份;至於其他的婚禮細節,就全交給老婆湯洛雯公布。
準人妻何依婷同樣不願公開婚期,但透露將於今個月倒數前完婚返港,又直言日前為好友蔡嘉欣婚禮擔任姊妹是順道取經。她作事後檢討說:「我有作出反省,檢討自己嘅婚禮安排,因發現原來婚禮好忙、好多嘢搞、好複雜!」她又指在婚宴上有許多感人場面,當日忍到晚上終於忍不住淚崩,亦提醒了自己結婚當日要強忍淚水,以免影響妝容。另外,她稱因工作關係未有時間度蜜月,所以很期待明年一月與老公及一班朋友到北海道滑雪,笑言:「我同老公嘅滑雪技術相差甚遠,直情係一天一地,去年我一跌低佢就會停低陪我,叫佢走都唔走,話唔可以掉低我一個人,真係好感動,明年就已經結咗婚,唔知佢係咪仲咁體貼。」收起
香港文匯報訊(記者 子棠)翡翠台上周(27日至03日)收視出爐,3線戲劇收視齊升。佘詩曼(阿佘)、馬國明(馬明)主演的台慶劇《新聞女王》,跨平台直播收視最高25.1點(162萬觀眾),連續兩周位列收視榜首。
阿佘、馬明、高海寧、何依婷、鄧智堅、吳業坤、何廣沛、高鈞賢和鄭衍峰昨日出席台慶劇《新聞女王》宣傳活動。阿佘憶述劇中有一幕捕捉賊王槍戰場口的戲,拍攝時要半蹲半跪地托着重型攝錄機,由於不斷重複動作、拍到冇晒力氣之餘更因太過投入忘我,撞傷手腳也不察覺,但突然聽到「啪」一聲並感到膝頭很痛,醫生認為是扭傷了韌帶,不過也只能看了兩次醫生,仍未有時間跟進治療。說到劇集收視高企,會否向觀眾派福利?阿佘即腦筋急轉彎想先收福利:「監製開拍續集就係最佳福利。(會再度接拍?)劇本咁正,一定人人搶住拍。(可知獲睇高一線奪視后?)多謝大家支持,獎項隨緣。」提到有傳鄭嘉穎因不滿馬明與前度緋聞女友阿佘合作,與馬明反目兼缺席對方婚禮;阿佘聞言哈哈大笑:「好好笑,點解會扯到咁遠,我唔相信係事實。」說罷亦不忘恭賀馬明。
馬國明透露計劃生B
馬明大婚在即,卻因好兄弟鄭嘉穎宣布不出席其婚禮及一句參與「鐵馬家族」聚會是「嘥時間」言論,爆發不和傳聞。馬明即代解釋:「好合理,我響外地辦婚禮,佢有3個小朋友,走幾日好困難,所以我冇嘢喎,仲完全體諒。今次只邀請了60人,都唔係人人來得到。(有沒有失望?)大家咁熟,係熟朋友先唔會失望;其實佢一早已通知咗我唔參加,換轉我都係屋企人行先,好合情合理;正如嘉穎和林子善自當爸後少了出席『鐵馬』聚會,大家都會明白,我都有生小朋友計劃,可能稍後我都會減少出飯局。(人唔到禮到?)錢銀嘅嘢唔好講,做咁多年兄弟係講心。(嘉穎有沒有傳授生仔經?)早兩年前我哋已經講湊仔經,但生仔就唔使教,我同我老婆都係順其自然,有就有,冇就冇。」
何依婷要做忍喊新娘
馬明續指,因婚期將至,有很多瑣碎事情要處理,已申請了8至10天的婚假,因此只能盡量抽時間出席劇集宣傳活動,但一定會出席劇集大結局;雖然不願公開婚期,但他直認屆時應已轉換了人夫的身份;至於其他的婚禮細節,就全交給老婆湯洛雯公布。
準人妻何依婷同樣不願公開婚期,但透露將於今個月倒數前完婚返港,又直言日前為好友蔡嘉欣婚禮擔任姊妹是順道取經。她作事後檢討說:「我有作出反省,檢討自己嘅婚禮安排,因發現原來婚禮好忙、好多嘢搞、好複雜!」她又指在婚宴上有許多感人場面,當日忍到晚上終於忍不住淚崩,亦提醒了自己結婚當日要強忍淚水,以免影響妝容。另外,她稱因工作關係未有時間度蜜月,所以很期待明年一月與老公及一班朋友到北海道滑雪,笑言:「我同老公嘅滑雪技術相差甚遠,直情係一天一地,去年我一跌低佢就會停低陪我,叫佢走都唔走,話唔可以掉低我一個人,真係好感動,明年就已經結咗婚,唔知佢係咪仲咁體貼。」收起