日本男排催淚時刻🏐帶著癌症離世戰友藤井直伸遺願征戰巴黎🥺
日前巴黎奧運男子排球八強賽，日本隊對戰意大利隊，喺領先兩局下被追和，至決勝局以15比17落敗，遺憾無緣四強。其實呢場比賽嘅意義卻唔係一般大。
前日本男排隊員藤井直伸被譽為「日本最佳二傳手」💪，曾代表日本出戰東京奧運。不過，就喺東京奧運（2021年）結束後冇幾耐，藤井直伸因為眼部唔舒服而接受檢查，卻意外發現患上末期胃癌。藤井直伸喺抗癌期，如果遇到精神好嘅時候依然會到球場練習，如果未能落場都會喺場邊觀賽。佢曾經接受日本運動雜誌採訪時表示，希望可以參加巴黎奧運，可惜佢喺2023年3月不敵癌症離世。當日本排球隊睽違16年再取得奧運嘅參賽資格時，隊員們攞出屬於藤井直伸嘅3號球衣，一齊拍攝勝利紀念相，高橋藍仲對住鏡頭話：「藤井さん！我們做到了！你看到了嗎？」希望用另一種形式將隊友帶到巴黎奧運場上。
此次八強賽，隊友們亦喺後備席擺上藤井直伸嘅相，寓意一同作戰！喺落敗後合照時，高橋健太郎更舉起藤井直伸嘅相，令人相當感動。