王祖蓝、黄光亮、万绮雯（蚊蚊）、郭晋安、王菀之等今日喺尖沙咀街头为《老表，你好嘢》宣传，吸引大批市民围观，大多更系自由行，无线安排保安喺场维持秩序。佢哋公布周一晚录得32点平均收视，仲向市民派海报同大柑，为咗外围市民都可以攞到，有人将海报同大柑掟出去，点知有市民掟回头，掟中蚊蚊太阳穴，事后佢表示：「冇事，我食过夜粥，只系闻到柑味。」监制黄伟声即场仲宣布会开拍《老表》续集同筹备电影，祖蓝话：「又惊又喜，喜系开心得到公司支持，惊系唔知谂咩故事，要靠编剧同编审，电影只得个几钟，压力冇咁大。」制作上有没有限制？佢就表示高层畀咗好大嘅自由度，但如果太敏感就唔会做。」祖蓝仲透露有人已邀请「Oh Baby」出埠演出，但未知各人档期配唔配合到。